Қаржылық сараптама

14.06.21 Ұлттық қордың берекесі қашты. Бізге бюджеттік ереже НЕГЕ ауадай қажет?

Қазақстан 2020 жылы Ұлттық қорға түскен қаржының 96 пайызын құртып тастаған. Ал Ұлттық қорға кетуі тиіс қаржы республикалық бюджетте қалып, Үкіметтің біраз жыртығын жамаған. Бюджеттік ережесіз жүргізіліп жатқан қазіргі жабайы саясаттың салдары ертең өзімізге ауыр тиетін болады.

10.06.21 Нұрлы проблемалар. «Нұрбанк» жағдайы НЕГЕ ауыр?

«Нұрбанк» 2020 жылдың қортындысы бойынша 28 миллиард теңге таза шығынға батты. Банк капиталы 47 миллиард теңгеден 40 миллиард теңгеге төмендеді. Бұлай жалғаса беретін болса, акционерлердің көмегі қажет болуы мүмкін.

08.06.21 Біз де төлемейміз! Квазимемлекеттік сектор НЕГЕ Президенттің тапсырмасын орындаудан бас тартты?

«Отбасы банк» былтыр тапқан 31,7 миллиард теңге таза табысын мемлекетке төлемейтін болып шешті. Оған дейін мемлекеттің үлесі бар «Қазатомпром», «Қазақтелеком» ұлттық компаниялары да қазынаға қайтуы тиіс пайданың көлемін қысқартып тастаған болатын. 

04.06.21 Факторлы-балдық шкала. Мемлекеттік қызмет істері агенттігі НЕГЕ пилоттан әрі аса алмады?

Президент Жолдауы аясында берілген тапсырма бойынша, 2021 жылдың 1 шілдесінде мемлекеттік қызметкерлердің тиімділігін арттыру үшін факторлы-балдық шкала енгізілуі тиіс еді. Тапсырма толық орындалмай, тек пилоттық жоба ретінде жасалды.

03.06.21 Бюджет жыртылып кетпей ме? Әлеуметтік шығынның көптігі мемлекетке НЕГЕ қауіп төндіре бастады?

Әлеуметтік шараларға – зейнетақы, түрлі атаулы төлемдер, денсаулық сақтау мен білім беру саласына жұмсалатын шығын мемлекеттік бюджеттің тең жартысына жеткен.

01.06.21 Арматура НЕГЕ бірден қымбаттап кетті? «АрселорМиттал Теміртау» айтпай отырған құпиялар

Қазақстанда салынып жатқан тұрғын үй бағасының қымбаттауында «АрселорМиттал Теміртау» шешуші рөл ойнайды. Биік монолит үйлерге қажет арматура 2020 жылдан бері 69 пайызға қымбаттаған.

26.05.21 Қош келдің, бюджеттік кризис! Үкімет бюджет дефициті алдында НЕГЕ дәрменсіз күйге түсті?

«Nur Otan» партиясы мен Асқар Маминнің кабинеті болашақта Қазақстанға үлкен проблемалар алып келуі мүмкін. Сайлау алдында уәдені үйіп-төккен билік партиясы енді оны орындау үшін Ұлттық қордан 850 миллиард теңге алады. Үкімет «Президент тапсырмасын орындаймын» деп бюджет шығысын 15,3 триллион теңгеге көтеріп отыр.

24.05.21 Аламын, алмаймын. Kcell тағдыры НЕГЕ шешілмей отыр?

«Jusan bankтің» финтех алпауытқа айналуы кейінге қалдырылды. Банкке иелік ететін «First Heartland» конгламератының «Kcell» ұялы операторын сатып алуы біржақты шешілген жоқ.