Айналымға миллиондап жалған ақша түскен
ҚР Ұлттық банкі 2019 жылы анықталған жасанды банкноттар мен монеталар туралы айтты.
Алматы, NEGE. Баспасөз қызметінің ақпаратына сәйкес, Ұлттық банк пен екінші деңгейлі банктер 2019 жылы 5 786 300 теңге сомасына 1319 жалған банкнот жасалғанын анықтады, олардың 1313-і – банкнот, 6-ауы – монета.
«Өткен жылмен салыстырғанда, жасанды ақшалардың саны 6% азайды. 2018 жылы Қазақстанда 6,4 млн теңге сомасына 1408 жалған ақша анықталды. Оның 1386-сы банкнот, ал 22-сі монета болған», – деп хабарлады Ұлттық банктің баспасөз қызметі.
Былтыр ең көп анықталған жалған банкноттар: 2 мың теңге – 420 дана, 5 мың теңге – 395 дана, 10 мың теңге – 283 дана. Қадағалау органының мәліметтері бойынша, Алматы көшірме ақша жасауда алда тұр.
Мегаполисте – 937 дана жалған ақша анықталған. Одан кейінгі орындарда Шығыс Қазақстан облысы (106 дана) және Нұр-Сұлтан қаласы (104 дана) орналасқан.
