26 Сәуір 05:31
Барлық мектепте оқу жылының аяқталуына арналған бірыңғай сынып сағаты өтеді
Бұл туралы Оқу-ағарту министрлігінің баспасөз қызметі хабарлады.
Алматы, NEGE. 2023-2024 оқу жылын 3,8 млн-нан астам оқушы аяқтайды, оның 186 мыңы мектеп түлектері.
Биылғы оқу жылының ұзақтығы 34 апта, оқу 25 мамырда аяқталады.
11 (12) сынып түлектеріне аттестат тапсыру және ерекше үлгідегі «Алтын белгімен» марапаттау 19-22 маусым аралығында мектептердегі барлық емтихан аяқталғаннан кейін өтеді.
9-11 сынып түлектерінің қауіпсіздігін және емтихандарға сапалы дайындығын қамтамасыз ету мақсатында ақша жинауға, салтанатты іс-шаралар, банкеттер ұйымдастыруға және автомобильдермен шығуға тыйым салынады.
