28 Маусым 17:35
...
Ұлытау облысы әкімінің екі орынбасары тағайындалды
Бүгін Ұлытау облысы әкімінің орынбасарлары, аппарат басшысы, басқарма басшысының міндетін атқарушылар таныстырылды.
Елорда, NEGE. «Бұған дейін де айтқанымыздай, біздегі басқармалар саны шағын құрамда болады. Бас-аяғы 18 басқарма құрылып, 251 штат саны бекітілді. Кей басқармалар біріктірілді, енді бірі жеке өз алдына басқарма болып бөлінді», - деді облыс басшысы. ҚР Президенті Әкімшілігінің келісімімен, облыс әкімінің өкімімен Ұлытау облысы әкімінің орынбасары қызметіне Аман Барикенов тағайындалды. Ол қаржы, экономика мәселелерін үйлестіретін болады. Облыс әкімінің тұрғын үй-коммуналдық шаруашылық, құрылыс, сәулет, энергетика, жолаушылар көлігі, автомобиль жолдары мәселелері жөніндегі орынбасары лауазымын Ұлантай Үсенов атқарады.
