Футбол: Қазақстан Англияға есе жіберді
Футболдан Еуро-2027 іріктеу турнирі аясында Ұлттық құрама жастары Англия U-21 жастарына 0:2 есебімен есе жіберді.
Алматы, NEGE. Кездесу барысында англиялық футболшылар басымдық танытты. Ойынның 18-минутында олардың қатарынан Этан Нванери есеп ашса, 23-минутта Джоб Беллингем көздеген нысанасын мүлт жіберген жоқ.
Осылайша отандастарымыз қарсыласынан 0:2 есебімен жеңіліп қалды.
Айта кетейік, Қазақстан жастар құрамасы D тобында Англия, Ирландия, Словакия, Молдова және Андорра құрамаларымен ойнайды.
Олар 5 маусым күні Астанада Андоррадан 1:0 есебімен басым түсті.
Енді қазақстандық жастар 9 қазанда 2027 жылғы Еуропа чемпионаты іріктеу кезеңі аясында сырт алаңда Андоррамен ойнайды.
