Экономикалық серіктестікті нығайтудағы маңызды қадам: Алматыда алғаш рет ADFIAP жиналысы өтіп жатыр
Алматыда Азия және Тынық мұхиты аймағын дамыту институттары қауымдастығының 46-шы жыл сайынғы жиналысы басталды.
Алматы, NEGE. Арнайы сессияда Ерболат Досаев құттықтау сөз сөйледі. Ол мұндай ауқымды кездесу Алматыға 40 елден халықаралық даму институттарының 150 көшбасшысы келгенін атады, бұл экономикалық серіктестікті нығайтудағы маңызды қадам.
Қазақстан 2006 жылдан бастап Еуразиялық даму банкінің құрылтайшыларының бірі болып табылады, оның бастамасы бойынша биылғы жылы жиналыс алғаш рет Орталық Азияда өтіп жатыр.
Алматы әкімі Ерболат Досаев Азия және Тынық мұхиты аймағының даму институттары қауымдастығының 46-шы жиналысының ашылуында түрлі елдердің қаржы институттарының көшбасшыларын қарсы алды.
Ерболат Досаев сөзінде халықаралық банк басшыларының кездесуі қала үшін маңызды оқиға екенін ерекше атады. Алматының экономикалық көрсеткіштері қаржы нарығы мен кәсіпкерлік саланың қарқынды дамуын көрсетеді.
«Алматы – Қазақстанның мәдени, ғылыми, іскерлік және қаржы орталығы, Алматы қаласының үлесіне жалпы ішкі өнімнің бестен бір бөлігі (2022 жылы 18,5%) және Қазақстан Республикасы бюджетінің барлық кірісінің төрттен бірінен астамы тиесілі, Шағын және орта бизнес (ШОБ) қала экономикасының шамамен 60 пайызын алады», - деді Алматы қаласының әкімі Ерболат Досаев.
Банктің қолдауымен және бірлесіп қаржыландыруымен біздің қала жыл сайын жақсарып келеді. ЖЭО-2-ні газға ауыстыру, Алматы халықаралық әуежайын кеңейту және Үлкен Алматы айналма автожолын салу сияқты ірі жобалар алматылықтардың өмірін жайлы әрі қауіпсіз етеді.
