18 Мамыр 19:35
...
Александр Бублик Туриндегі турнирде топ жарды
Қазақстанның бірінші, әлемнің 76-ракеткасы Александр Бублик Турин (Италия) челленджер турнирінің чемпионы атанды.
Алматы, NEGE. Қазақстандық теннисші соңғы бәсекеде әлемнің 73-ракеткасы, қытайлық Бу Юньчаокэтэмен чемпиондық атақты сарапқа салды.
Бублик 6:3, 6:3 есебімен жеңіске жетті.
Бір сағат 14 минутқа созылған матчта Бублик 6 эйспен бірге 9 брейк-пойнттың бесеуін пайдаланды. Қытайлық теннисші 6 эйс, 2 брейкпен көзге түсті.
Осылайша, Александр Бублик өз спорттық жолында челленджер жарыстарындағы жетінші, топырақ төсенішіндегі бірінші титулын жеңіп алды. Қазақстандық спортшы сондай-ақ ATP 250 турнирінде үш дүркін, ATP 500 додасында бір рет чемпион атанған.
Александр Бублик қазіргі кезде ATP Live рейтингісінде 51-орынға көтеріліп тұр.
