Шелдон Купердің рөлінде ойнаған америкалық актер қазақша ән салып берді
Young Sheldon телехикаясының жұлдызы Иэн Армитидж Ayau атымен танылған қазақстандық әнші Аяулым Құсайынның «Кел, кел» әнін орындап, көпшілікті тәнті етті.
Астана, NEGE. Америкалық актердің қазақша ән салуына оның әлеуметтік желіде жүргізген сауалнамасы түрткі болған.
Иэн оқырмандарынан ән ұсынуды сұраған. Ұсынылған туындылардың ішінде Ayau-дың «Кел, кел» трегі де болғандықтан, актер әнді камера алдында орындап берді.
«Бұл – менің сүйікті әндерімнің бірі. Мұны көптен бері айтып жүрмін», – дейді Иэн.