28 Қыркүйек 14:49
...
АҚШ мобилизациядан қашқан ресейліктерді қабылдауға дайын
АҚШ ішінара мобилизациядан қашқан Ресей азаматтарын қабылдауға дайын. Бұл туралы Ақ үйдің баспасөз хатшысы Карин Жан-Пьер мәлімдеді.
Алматы, NEGE. Ақ үйдің баспасөз хатшысы Карин Жан-Пьердің айтуынша, бұл қадамға ресейліктердің наразылық білдіруі себеп болған.
«Біз Ресей үкіметінің және олардың Украинадағы қарулы күштері мен ресейлік тұрғындардың әрекеттерін бір-бірінен ажырата аламыз. Олардың көпшілігі әділетсіз соғысқа қарсы шығып жатыр. Біз мұның барлығын бірнеше күннен бері бақыладық. Ресейдегі наразылықтар қазір де жалғасып жатыр», - деді Карин Жан-Пьер.
Ақ үйдің баспасөз хатшысы АҚШ-тан саяси баспана сұраған өтініштер жеке қаралатынын атап өтті.
