Мыс желіден-оптикаға: 8-ден бірден 500-ге өскен жүйрік интернет тұрғындарды таңқалдырды

пәтерлі үйге жүйрік интернет қосып берді. Нәтижесінде интернет жылдамдығы 60 есе артты. Бұрын мыс желі арқылы келетін 8 Мб/с интернетті, жылдамдығы 500 Мб/с-қа дейін тартатын оптика алмастырды. 

«Қазақтелеком»  Саран, Шахтинск, Абай қалаларының тұрғындарын GPON технологиясы бойынша жылдам интернетпен қамтамасыз ету жобасын жалғастыруда. Осының нәтижесінде көппәтерлі үйлердің тұрғындары бір ғана кабельдің көмегімен жүйрік интернет, ТВ+ интерактивті телевидениесі, телефония және «Телемедицина» қызметтерін пайдалану мүмкіндігіне ие болды.

«Қазақтелекомның» GPON технологиясы арқылы интернет тарту жұмыстары өткен жылдың аяғында бастау алған. Осы кезеңде алғашқылардың бірі болып,  Шахтинскі қаласына жоғары жылдамдықты интернет қосылған. Шахтинскінің ізін ала Абай, Саран қалаларының тұрғындары жобаның игілігін көре бастады.

Сапалы интернет мәселесі бұл қалалардың тұрғындарын көптен толғандырып жүрген. Өйткені талай уақыттан бері тұрғындарға интернет жүйесі мыс сымдар арқылы жеткізілетін, ал оның жылдамдығы бар-жоғы 8Мб/с-дан аспайтын.

«GPON технологиясы абонентке талшықты-оптикалық байланыс жүйесі арқылы жылдамдығы 500Мб/с-ға дейін жететін жүйрік интернетке қосылуға мүмкіндік береді. Ол үшін оптикалық кабель пәтерге дейін тартылады, сигнал талшық арқылы беріліп, тұрақты интернетпен және деректерді жылдам жіберу қызметімен қамтамасыз етеді.

Осылайша біздің абоненттеріміз күнделікті кездесетін мәселесін шұғыл шешіп, мемлекеттік қызметтің кез келген түрін онлайн режимде ала алады.

Жыл соңына дейін біз осы қалалардағы тағы 339 үйді сапалы байланыспен қамтамасыз етуді жоспарлап отырмыз», – дейді «Қазақтелеком» АҚ Орталық ӨД В2С сегментінің коммерциялық директоры Дамир Сейсембеков.

Оның айтуынша, Саран, Шахтинск, Абай қалаларындағы 790 көппәтерлі үйге кең жолақты интернет жеткізу жоспарланған. Қазіргі уақытта жобаны жүзеге асырудың бірінші сатысы аяқталып, «пәтердегі оптика» технологиясы тұрғындардың сұранысына ие болды. Сапалы интернет тұрмысқа, оқуға және жұмысқа қажетті заманауи қызметтерді үздіксіз пайдалануға мүмкіндік ашып берді.

GPON технологиясы бойынша Саран қаласында телекоммуникация қызметіне қосылған абоненттердің бірі – Елена Болотина.

«Өткен жылы баяу интернеттің әуресін әбден көрдік. Жаңбыр жауса да, қар жауса да, жел соқса да өшіп қалатын. Бір сағат істесе, 3 сағат өшіп тұрады. Ұлым колледждің студенті еді, ол үшін онлайн-оқу қиямет-қайымға айналды.

Екі ай бұрын «Қазақтелекомның» интернетін қосып, тынысымыз кеңейгендей болды. Қазіргі интернетіміз жүйрік, жанның рақаты. Ұлыма да үздіксіз оқуға мүмкіндік беретініне сенімдімін», – дейді Сарань қаласының тұрғыны Елена Болотина.

Тағы бір сарандық Мейрамгүл Сатиева – жергілікті емхананың медбикесі. «Қазақтелекомның» жүйрік интернетінің арқасында оның да жұмысы оңтайланған. Науқастардың дерегін жедел толтыруға, сараптама қорытындысын қарауға, медициналық анықтамамен тиімді жұмыс істеуге жол ашылды.

«Мүмкіндігі көп «Ultra» пакетін қосып алғаныма біраз болды. Маған екі симка берген, бірін – немерем, екіншісін өзім пайдаланып жүрмін. Немерем қайда жүрсе де, онымен байланысты үзбейміз.

«Ultra» пакеті арқылы екі теледидарды цифрлық телевидениеге қосуға болады. Бірінде немерем сүйікті мультфильмдерін көріп отырса, екіншісінде біз қалаған арнамызды тамашалаймыз. «Қазақтелекомның» арқасында сапалы интернет пайдаланып, игілігін көріп отырмыз. Бұған дейін 2,5 жыл бойы басқа оператордың қызметін пайдаланғанбыз, бірақ сапасы нашар еді. Оған балама табылғанына қуанып жүрміз.

Жақында оқу басталады. Дайындалуымыз керек. Өзім де үйде отырып жұмыс істей беремін», – дейді Шахтинск қаласының тұрғыны Мейрамгүл Сатиева қуанышын жасыра алмай.

FTTH GPON технологиясы – жылдамдығы 500 Мбит/с-ға дейін жететін талшықты-оптикалық желі. Сондай-ақ ол сапасына кепілдік берілген бірнеше қызмет түрін пайдалануға мүмкіндік береді.

Бұл күнде жаңа буынның GPON технологиясының игілігін Қарағанды, Жезқазған, Балқаш, Шахтинск, Теміртау қалаларының және Оскаровка ауылының тұрғындары көріп отыр. Осы технология бойынша интернет желісіне қосылған абоненттердің саны 55 мыңға жуықтады.

Естеріңізге сала кетейік, 2020 жылы Қарағанды ​​облысында талшықты-оптикалық байланыс желілерінің технологиясын қолдана отырып, ауылдық елді мекендерге кеңжолақты интернетке тарту бағытында ауқымды жоба аяқталды, бұл аймақтың 36 ауылын сапалы интернетпен қамтамасыз етуге мүмкіндік берді. Жобаның арқасында 120 -дан астам мемлекеттік мекемелер (әкімдіктер, мектептер, ауруханалар, полиция бекеттері) 10 -нан 100 Мбит/с дейінгі жылдамдықта жұмыс істейтін интернетке қол жеткізді. Сонымен қатар, осы ауылдық елді мекендерде телекоммуникация қызметіне қосылған үй шаруашылықтарының саны 4 мыңға дейін өсті.

Құрылған желілік инфрақұрылым базасы аясында тағы бір жоба «250+» бойынша мобильдік операторлар Қарағанды облысының 85 ауылының тұрғындарын кеңжолақты интернетке қосуға мүмкіндік жасап берді. «Қазақтелеком» АҚ-ның күш салуымен әкімдіктермен бірлесе отырып, аймақтың тағы 37 ауылына Wi-Fi технологиясы бойынша радиокөпірлер орнатылды. Бұл тұрғындарға мобильдік интернетті пайдалануға жол ашады.