БҚО-да 11 жылқыны ұрлады деген күдікпен қылмыстық топ ұсталды
Батыс Қазақстан облысында полицейлер Сырым ауданының тұрғынына тиесілі еркін жайылымдағы 11 жылқыны ұрлады деген күдікпен қылмыстық топты ұстады.
Алматы, NEGE. «Күдіктілер ұрланған малды сойып жатқан сәтінде қолға түсті. Жедел іс-шара барысында күдіктілердің бірінің тұрғылықты жерінен 7 бас мал табылды. Ұсталған сәтте төрт жылқы сойылғаны анықталды. Шығын сомасы 4 миллион теңгеден асады. Тәркіленген ет пен қалған жылқылар заңды иесіне қайтарылды», - делінген БҚО Полиция департаментінің хабарламасында.
Күдіктілер уақытша ұстау изоляторына қамауға алынды.
Аталған факті бойынша қылмыстық іс қозғалды.
Қазір оқып жатыр
Air Astana және FlyArystan компанияларына авиаотынға байланысты айыппұл салынды
Түркістан облысында бір стоматолог бір мезгілде ондаған пациенттің «тісін емдеген»
Оқушы қыздар халықаралық математика олимпиадасында үш медаль жеңіп алды
Ақмола облысында ерлі-зайыпты суррогат анамен соттасып, ақшасын қайтарып алды
