RaiM Ерке Есмахан екеуінің ара қатынасына қатысты мәлімдеме жасады
Ерке Есмаханмен некесін қидырған жас әнші Раим Бақтыгереев әлеуметтік желідегі парақшасында қазақстандықтарға үндеу жасады.
Алматы, NEGE. Ол барлығынан хейтті тоқтатуды өтінді.
"Қазақ елі! Біріншіден, былтырғы қаңтарға қарағанда биыл қуанышты ғой. Екіншіден, әр адамның өткен-кеткені бар. Өздеріңіз мінсіз болып, неге сонша соңымызға түсіп алдыңыздар? Әрқайсыңызды іздесе, кем тұсыңыз табылар. Пендешілікке салынбаңыздар. Үшіншіден, адамның айтқаны емес, Алланың дегені болады. Біз некесі қиылған жанұямыз. Намыс, тәрбие, қасиеті жоқ, есі кеткен адам ғана отбасының ортасына түседі. Сондай адамның қатарынан болып, Алланың қаһарына қалмаңыздар. Естігілеріңіз келсе, айтайын. Біз шаршадық. Өнерден, өмірден айырылсақ та, махаббатымыздан айырыла алмайтынымызды нық білеміз. Өтініш, тоқтатыңыздар", - деп жазды RaiM.
