«Қазақтелекомның» интернетімен Шымкенттің шырайы арта түсті
Еліміздегі үшінші мегаполис Шымкент қаласының тұрғын үй кешендерін «Қазақтелеком» ең заманауи GPON технологиясы бойынша интернет желісіне қосуды жалғастырып жатыр. «Бақыт» тұрғын үй кешені – Шымкенттегі талшықты-оптикалық желі арқылы жоғары жылдамдықты интернет қызметі, цифрлы телевидение және IP-телефонияға қосылған алғашқы көппәтерлі тұрғын үйлердің бірі.
GPON технологиясы – талшықты-оптикалық желі түрлеріне жатады. Кабельді абонент пәтеріне дейін тартып, сол бір сым арқылы бірнеше қызметті қатар алуға мүмкіндік береді. Бұл технологияның басты ерекшелігі – деректерді жөнелту жылдамдығы жоғары. Бұдан басқа да артықшылықтары бар, бұл жаңа технология арқылы абонент түрлі қызметтерді жүйедегі қандай да бір кедергісіз және үзіліссіз пайдалана алады.
Күні бүгінге дейін шымкентте GPON технологиясы бойынша Бәйтереков көшесінде 76 үй, Север ықшамауданындағы Арғынбеков, Қазиев, Өтегенов, Сырлысай көшелеріндегі 288 үй осы технология ұсынған жаңа мүмкіндіктерді пайдаланып отыр.
Тұран жаңа ықшамауданындағы 12 көпқабатты үйде желі құрылысы аяқталды. Осылайша Шымкент қаласында 370-ке жуық тұрғын үй жүйрік интернетке қол жеткізді. Ал Түркістан қаласында Бокин, Қожанов, 1,2-ықшам аудандар және Отырар ықшам ауданындағы 60-тас астам тұрғын үй кешені, сондай-ақ Кентауда 36 тұрғын үй GPON технологиясымен жабдықталды.
«Сенімді интернет желісіне қосылу өмірлік маңызы бар мәселеге айналды. Егер болашаққа көз салар болсақ, жылдам интернетке, сан түрлі телевизиялық каналдарға деген сұраныс бұдан әрі де арта беретінін көреміз. Ал GPON технологиясы осы талаптарға сай», – дейді «Қазақтелеком» АҚ Оңтүстік ӨТД филиалы В2С маркетинг бөлімінің басшысы Серік Әбдіралиев.
Көп пәтерлі тұрғын үй кешендерінен бөлек, «Қазақтелеком» Шымкент қаласы мен Түркістан облысындағы жеке секторларды телекоммуникация қызметтерімен қамтамасыз етуді жалғастыруда.
Өткен жылы елді мекендерге талшықты-оптикалық желі тарту бойынша ауқымды жоба аяқталып, ауылдағы мемлекеттік мекемелер мен бюджеттік ұйымдар осы желіге қосылған соң кең жолақты интернетті жеке тұрғын үйлер мен ауылдарға тартуға мүмкіндік туды.
«Талшықты-оптикалық байланыс жүйесіне қосылу нүктелері бар аудандарда базалық станциялар орнатылып жатыр. Станцияның радиотолқыны арқылы интернетті жақын маңдағы ауылдарға да таратамыз.
Бұл – аса қуатты, заманауи жабдық. Радиусы 10 шақырым аумаққа жылдам әрі сапалы интернет тарата алады. Мұндай станциялар Шымкентте, Түркістан облысының ауылдарында – Жетісайда, Жетісай ауданының Асықата ауылында, Мақтарал ауданының Атакент ауылында орнатылған. Сондай-ақ Сайрам ауданының Ақсукент ауылына да осындай станция орнату жұмыстары жүргізіліп жатыр», – дейді «Қазақтелеком» АҚ Оңтүстік ӨТД Клиенттермен жұмыс бойынша орталық директоры Әсет Ералиев.
Шымкентте базалық станция қаланың ең биік нүктелерінің біріне орнатылған. Қамту аумағы – Самал 1,2,3, Асар, Бозарық, Пахтакор, Қайтпас-1,2, Нұртас және Тассай ықшамаудандары. Қазірдің өзінде осы ықшамаудандардың 100-ден астам тұрғыны кең жолақты интернетті еркін пайдаланып отыр. Солардың бірі – Қайтпас-1 ықшамауданының тұрғыны Бауыржан Ибраев.
«Осы уақытқа дейін біз тек мобильді интернет пайдаланып келдік. Карантин басталып, онлайн оқуға көшкенде жылдам интернеттің қажеттілігі қатты сезілді. Қарындасым мұғалім, балаларым жоғарғы сынаптарда оқиды. Сымсыз интернетке қосылу мүмкіндігі барын ести сала, бірден өтініш бердім. Үш күн ішінде шатырға антенна қойып, Wi-Fi-ға қосып берді. Жылдамдығы керемет! Каникулда балалардың да іші пыспайды, мультфильм көріп, онлайн-ойындар ойнайды. Басқаларымызға да ермек табылды. Енді көршілерім мен туыстарыма осы қызметті пайдалану керектігін айтып жүрмін», – дейді Б.Ибраев.
Жеке секторды телекоммуникация қызметімен қамтамасыз етуді жылдамдату үшін «Қазақтелеком» жеке қызмет көрсету компанияларымен серіктестік келісімді белсенді пайдалануда.
«Қазақтелекоммен» бірлесіп, Түркістан облысының 176 ауылдық елді мекенін кең жолақты сымсыз интернетпен қамтамасыз етуді жоспарлап отырмыз. Елді мекендерге талшықты-оптикалық желі тарту жобасы аясында сапалы байланыс түрін ұсынамыз. Бес заманауи базалық станция орнатып қойдық, қолданушылардың ықыласы да ерекше», – дейді «SNP TELEKOM» ЖШС техникалық директоры Қуаныш Рахымбаев.
Компанияда атап өткендей, базалық станцияның қамту аумағына кіретін елді мекендер мен шағын аудан тұрғындары үшін радиокөпір технологиясы бойынша интернет тартуға бар-жоғы бір сағаттан астам уақыт кетеді. Ол үшін өтініш жазып, келісімшарт жасау керек. Абонент тұратын үйдің шатырына сигнал қабылдайтын антенна қойылады, инсталлятор оны реттейді, кабель тартылып, роутер орнатылады. Өтініш беру үшін мына нөмірлерге хабарласуға болады: +7 7252 78 58 58, +7 708 478 58 58, және telecom.kz порталына кіріңіз.
Цифрлық теңсіздікті жою стратегиясы аясында аса ірі телеком-оператор 2018-2020 жылдар аралығында 14,5 мың шақырымға талшықты-оптикалық байланыс желісін жүргізіп, ауылдық елді мекендерге кең жолақты интернет тартқан. Соның арқасында республикадағы 828 ауылдағы 2,5 мыңнан астам мемлекеттік мекеме мен бюджеттік ұйым жоғары жылдамдықты интернетке қосылды.
«Қазақтелеком» компаниялар тобына кіретін «Кселл» және «Теле2» ұялы байланыс операторлары «250+» жобасы аясында базалық станцияларын жасап, шалғай ауылдарды да мобильді байланыспен және интернетпен қамтамасыз етіп отыр.
