Мен жедел жәрдем шақыр дедім – Бишімбаев хабарласқан көріпкел сотта өз шындығын айтты
Астанада Қ.Бишімбаев пен Б.Байжановқа қатысты қылмыстық іс бойынша кезекті сот отырысы өтіп жатыр.
Алматы, NEGE. Сот отырысында куәгерлерден жауап алынып жатыр. Бишімбаев Нүкенова ес-түссіз жатқан кезде хабарласқан көріпкел Гүлнар Ережепова сотта сол күнгі оқиғаға қатысты өз шындығын айтты.
Көріпкел Бишімбаев хабарласып мән-жайды түсіндіргеннен кейін бірден жедел жәрдем шақыру керегін айтқан. Бишімбаев көріпкелге хабарласқан кезде мас болған.
Көріпкелдің айтуынша, «Ол ұйықтап жатыр, таңға дейін ұйықтайды» деп оған қайта-қайта хабарласып, мазасын алғаннан кейін айтқан.
Салтанаттың күні бойы тұрмай, тамақ ішпененін естігенде: «Маған не дейсіз, дәрігер шақырыңыз», – деп тұтқаны қоя салған.
Ол әр хабарласқан сайын «Жедел жәрдем шақыр» деп қайта-қайта ескерткен. Керісінше, Бишімбаевтың өзі: «Бірдеңе істесеңізші, қайдағы жедел жәрдем?» деп көріпкелдің мазасын алған.
Прокурор Айжан Аймағанова Гүлнар Ережеповадан «Салтанат ұйықтап жатыр, жақында оянады» деген хабарламасын қалай түсіндіретінін сұрады.
«Ол маған: «Оның жақсы екенін айтыңызшы, менің тыныш болуым үшін бәрі жақсы деп жазыңыз», деп тікесінен айтты. Сол күні ол адам төзгісіз болды! Қоңырау шала берді, шала берді», – деп жауап берді куәгер.
