14 Мамыр 10:42
Демалыс күндері Нұр-Сұлтанда қоғамдық көлік жүре ме?
16 мамырда Нұр-Сұлтанда қоғамдық көліктер жұмыс істемейді, – деп хабарлайды City Transportation Systems ЖШС.
Нұр-Сұлтан, NEGE. «16 мамыр, жексенбіде, Нұр-Сұлтанның бас мемлекеттік санитария дәрігерінің қаулысына сәйкес, елордадағы қалалық және қала маңындағы қоғамдық көліктердің қозғалысы бір күнге тоқтайды. Дезинфекция жұмыстары жүргізіледі», – делінген хабарламада.
Тұрғындарға маска режимін сақтау керегі айтылды. Қоғамдық көліктерге маскасыз кіруге тыйым салынады. Жол жүру ақысын тек көлік картасы немесе QR кодын сканерлеу/көлік кодын енгізу арқылы төлеу қажет.