Кәрім Мәсімовтің тәркіленген зәулім үйі тағы да аукционға қойылды

Алматы, NEGE. Бұған дейін, 10 ақпанда Кәрім Мәсімовтің зәулім үйі аукционға қойылып, өтпей қалған еді. 

Үйдің бастапқы бағасы өзгеріссіз қалды – 1 883 338 958 теңге, кепілдік жарна – 117 960 000 теңге.

Нұра ауданындағы жертөлесі бар екі қабатты зәулім үйді «Қайтарылған активтерді басқару компаниясы» сатып жатыр. Тиісті лот E-Qazyna электронды сауда алаңының сайтында жарияланған.

Екі қабатты үйдің жалпы ауданы – 2877,7 шаршы метр. Үйдің жанында әртүрлі көлемдегі бірнеше жер учаскесі бар, олардың біреуінде гараж орналасқан. Үй мүлікпен бірге сатылады. 

Естеріңізге сала кетейік, Кәрім Мәсімов мемлекетке опасыздық жасады, билікті басып алмақ болды және қызметтік өкілеттігін асыра пайдаланды деген айыппен 18 жылға бас бостандығынан айырылды.