Бақыт Сейдіш бокстан жастар арасындағы Азия чемпионатында алтын медаль жеңіп алды
Бокстан Қазақстан әйелдер құрамасы Бангкокта (Таиланд) өтіп жатқан U22 Азия чемпионатында екінші алтын медальға қол жеткізді.
Алматы, NEGE. Финалдық жекпе-жегінде Бақыт Сейдіш жеңіске жетіп, 70 келіге дейінгі салмақта чемпион атанды.
Шешуші кездесуде Сейдіш өзбекстандық Ойши Таировадан басым түсті.
Өкінішке қарай, Шұғыла Нәлібай (75 келіге дейін) финалда жеңіліп қалды. Ол қытайлық Цзии Баоға есе жіберді.
Айта кетейік, бұған дейін 48 келіге дейінгі салмақта Гүлназ Бөрібаева чемпион атанған болатын.