24 Сәуір 09:51
Абай облысында заңсыз еңбек еткен шетелдіктер анықталды
Абай облысында заңсыз еңбек қызметін жүзеге асырған шетелдіктер анықталды, деп хабарлайды Polisia.kz.
Алматы, NEGE. Көші-қон қызметінің қызметкерлері облыс орталығында Өзбекстан Республикасының 79 азаматын анықтады, олар ғимарат салу бойынша еңбек қызметімен заңсыз айналысқан.
Көші-қон заңнамасын бұзғаны үшін шетелдіктер әкімшілік жауапкершілікке тартылды. Сонымен қатар елдің заңнамасын бұза отырып, шетелдік жұмыс күшін тартқан жұмыс беруші жазаға тартылады.
Қазіргі уақытта мамандандырылған әкімшілік сотта қаралатын материал жиналып жатыр.
