22 Маусым 19:43
Жедел жәрдем шақырушылар көбейген
Елордада жедел жәрдем базасындағы колл-орталыққа жүгінушілер саны күрт өсті. Бұл туралы Нұр-Сұлтан қаласы қоғамдық денсаулық сақтау басқармасының басшысы Сәуле Қисықова айтып берді.
Алматы, NEGE. «Колл-орталыққа хабарласатындар саны 3-4 есеге дейін артты. Өткен тәулікте 3 800 қоңырау тіркеліп, 2 728 адамға қызмет көрсетілді. Мұнда да 2,5 есе өсім байқалады», – деді спикер Орталық коммуникациялар қызметінде өткен онлайн брифингте.
Басқарма басшысының айтуынша, инфекциялық және провизорлық стационарларды оттегі концентраттарымен және өзге де медициналық құралдармен жабдықтау жұмыстары жүріп жатыр.
«Барлық медициналық ұйымдар жеке қорғаныс құралдарымен қамтамасыз етілген. Дәрілік препараттар да жеткілікті көлемде бар», – деді C. Қисықова.
