Теңгелік депозиттер артып келеді
Ұлттық банктің ақша-кредит саясаты департаментінің директоры Жандос Шаймарданов елдегі 10 айдағы депозиттердің көлемі туралы айтып берді.
Алматы, NEGE. «Биыл 10 айда банк жүйесіндегі депозиттер 15,3 пайызға немесе 2,916 триллион теңгеге өсіп, 21,938 триллион теңгеге жетті, оның ішінде теңгелік салымдар – 20 пайызға немесе 2,160 триллионға, яғни 12,980 триллион теңгеге дейін өсті», – деп хабарлады ол.
Оның айтуынша, валюталық салымдар қалыпты қарқынмен өсіп жатыр - 9,2 пайызға немесе 756,1 миллиард теңгеге, 2020 жылдың қазан айының соңында 8,957 триллион теңгеге дейін.
«Депозиттерді долларландыру жыл басынан бері 43,1 пайыздан 2020 жылы қазанда 40,8 пайызға дейін төмендеді, оның ішінде корпоративтік сектор депозиттерін долларландыру – 44,8 пайыздан 40,7 пайызға дейін, бөлшек сауда секторы – 41,3 пайыздан 40,9 пайызға дейін төмендеді», – деп түйіндеді Шаймарданов.
