Жанқош Тұраров ақпанда жекпе-жек өткізуі мүмкін
Ресейлік Fight Night League 28 ақпанда Павлодарда (Қазақстан) бокстан өтетін турнирді дайындап жатыр, деп хабарлайды Prosports.kz.
Алматы, NEGE. Бұл турнирде IBO белбеуінің иегері Жанқош Тұраровтың жекпе-жегі өтуі мүмкін. Бұл туралы Лига президенті Камил Гаджиев «Апта қорытындысы» бағдарламасында мәлімдеді.
Айта кетейік, Жанқош 2023 жылы Алматыда мексикалық Алехандро Менесеспен жекпе-жек өткізіп, IBO нұсқасы бойынша бокстан әлем чемпионы атағын жеңіп алған болатын.
Сол жылдың желтоқсан айында Акихиро Кондомен кездесіп, WBA Gold чемпионы атанды.