Виктория Графеева бокстан Әлем кубогының жартылай финалына шықты
Қазақстандық Виктория Графеева бокстан Астанада өтіп жатқан Әлем кубогының ширек финалында жеңіске жетті.
Алматы, NEGE. Жерлесіміз 60 келіге дейінгі салмақта Түркия елінің өкілі Гизем Озерға қарсы айқасты.
Бірінші және екінші раунд тең дәрежеде өткенмен, үшінші раундта Виктория қарсыласын бірнеше рет нокдаунға жіберіп, жеңісті суырып алды.
Осылайша, ол жартылай финалға өтіп, Әлем кубогының қола медалін қамтамасыз етті.
Айта кетейік, бұған дейін Санжар Тәшкенбай (50 келіге дейін), Назым Қызайбай (48 келіге дейін), Бекзад Нұрдәулетов (85 келіге дейін), сондай-ақ бір күн бұрын Надежда Рябец (75 келіге дейін) жартылай финалға өткен еді.