Виктория Графеева бокстан әлем чемпионатының қола жүлдегері атанды
Қазақстан әйелдер құрамасының өкілі Виктория Графеева Ливерпульде (Ұлыбритания) өтіп жатқан әлем чемпионатында қола медальға ие болды.
Алматы, NEGE. Отандасымыз 60 келіге дейінгі салмақтың жартылай финалына дейін жетті.
Виктория бұл кезеңде бразилиялық Ребека Де Лима Сантоспен қолғап түйістірді.
Жекпе-жек қорытындысы бойынша бразилиялық боксшы төрешілердің шешімімен жеңіске жетті.
Осылайша, Виктория Графеева (60 келіге дейін) Қазақстан құрамасының қоржынына алғашқы медальді салды.