УЕФА Анарбековті ең мықты 20 ойыншының қатарына қосты
УЕФА Чемпиондар лигасының жалпы кезеңіндегі үздік ойыншыны анықтауға кірісіп кетті.
Астана, NEGE. Ұйымның жанкүйерлерге ұсынған тізімінде «Қайрат» қақпашысы Темірлан Анарбековтің де есімі аталған.
Атаққа үміткерлер қатарында Анарбековтен бөлек «Реалдан» Килиан Мбаппе, «Манчестер Ситиден» Эрлинг Холанд, «Бавариядан» Харри Кейн, «Барселонадан» Фермин Лопез сынды ойыншылар бар.
Айта кетейік, «Қайраттың» 22 жастағы қақпашысы Чемпиондар лигасының плей-офф кезеңінде ерекше көзге түскен еді. Ол кезде қақпашы «Селтиктің» пенальти сериясында үш соққыны қайтарды.
Сондай-ақ Анарбеков Чемпиондар лигасында матчтың үздік ойыншысы атанған алғашқы қазақстандық футболшы болды. «Қайрат» пен «Олимпиакос» арасындағы ойында ол жоғары шеберлік көрсетіп, матчтың үздік ойыншысы атанды.
Ал күні кеше Темірлан Анарбековтің «Қайратпен» келісімшартты ұзартқаны мәлім болды. Келісімшарт 2028 жылға дейін жасалған.
