Тоқаев Қытайдағы шахта апатына байланысты Си Цзиньпинге көңіл айтты
Мемлекет басшысы Қасым-Жомарт Тоқаев Қытай Халық Республикасының Төрағасы Си Цзиньпинге көңіл айту жеделхатын жолдады.
Астана, NEGE. Президент Қытайдың Шаньси өлкесіндегі көмір шахтасында болған газ жарылысы салдарынан көптеген адамның қаза табуына байланысты Си Цзиньпинге және барша Қытай халқына көңіл айтты.
Сондай-ақ Қасым-Жомарт Тоқаев жарақат алғандардың тезірек сауығып кетуіне тілектестік білдірді.
Еске салсақ,«Люшэньюй» шахтасындағы жарылыс кезінде жер астында 247 кенші болған. Кемінде 82 адам қаза тапқан.