Дүние
Қытайдағы шахта апаты: 82 адам қаза тапты
Қытайда көмір шахтасында ірі апат болып, ондаған адам қаза тапты.
Астана, NEGE. Оқиға Шаньси провинциясындағы «Люшэньюй» шахтасында болған. Жарылыс кезінде жер астында 247 кенші болған.
Басылымдардың хабарлауынша, кемінде 82 адам қаза тапқан.
Дереккөздің мәліметінше, оқиғадан кейін шахтаға жауапты компанияның өкілі ұсталған. ҚХР төрағасы Си Цзиньпин апаттың мән-жайын толық тексеруді тапсырды. Сондай-ақ ол өңірлер мен тиісті ведомстволарды өндірістегі қауіпсіздік бақылауын күшейтіп, қауіп-қатерлерді жоюға шақырды.
Құтқару жұмыстары жалғасып жатыр. Бірқатар адам үйінді астында қалған.