Тайландтың «Thai Air Asia X» әуе компаниясы Қазақстанға рейс ашады
Қазақстан Республикасы Көлік министрлігінің Азаматтық авиация комитеті халықаралық рейстердің санын арттыру бойынша жұмыс жүргізуде.
Алматы, NEGE. Осылайша, 2025 жылдың 1 желтоқсанынан бастап Қазақстанның әуе тасымалы нарығына Тайланд Корольдігінен жаңа шетелдік лоукостер «Thai Air Asia X» шығады.
Әуе компания Бангкок – Алматы бағыты бойынша аптасына 4 рейс жиілігімен (дүйсенбі, сәрсенбі, бейсенбі және жексенбі күндері) тікелей тұрақты жолаушылар рейсі жұмысын бастайды.
Қазақстан мен Тайланд арасындағы әуе қатынасының ашылуы елдер арасындағы сауда-экономикалық, іскерлік, инвестициялық, туризм және мәдени ынтымақтастықты одан әрі дамытуға ықпал етеді.