Таяу Шығыс елдерінен 946 қазақстандық елге оралды
4 наурыз күні Таяу Шығыс елдерінен қайтарылған Қазақстан азаматтары мінген ұшақтар ел әуежайларына келіп қонды.
Астана, NEGE. Азаматтық авиация комитетінің хабарлауынша, Air Astana компаниясы Медина мен Жиддадан бірнеше рейс орындады:
KC2202 рейсі Ақтау қаласына сағат 21:28-де қонды, бортта 142 адам болды;
Медина – Атырау бағыты бойынша KC2208 рейсі сағат 01:19-да қонды, 145 адам келді;
Жидда – Атырау бағыты бойынша KC2206 рейсі сағат 02:50-де қонды, 174 адам келді;
Жидда – Атырау бағыты бойынша KC2204 рейсі сағат 03:34-те қонды, 179 адам келді.
Сонымен қатар, SCAT әуе компаниясы Boeing 767 әуе кемесімен Алматы – Маскат – Алматы бағыты бойынша рейс орындалып жатыр. Ұшақта шамамен 290 орын бар.
«Қазіргі таңға дейін Қазақстанға 946 жолаушы қайтарылды. Қазақстан азаматтарын елге қайтару жұмыстары жалғасып жатыр», – делінген комитет хабарламасында.
Айта кетейік, бұған дейін Таяу Шығыстан 400-ден астам қазақстандық эвакуацияланғанын жазған едік.