«Сергектің» он бес күндегі «табысы» қанша?
Алматыдағы «Сергек» камералары он бес күнде 53 миллион теңге көлеміндегі жол ережесін бұзу фактісін анықтады.
Алматы, NEGE. Қазірдің өзінде шамамен 53 миллион теңгеге 3200-ден астам заңбұзушылық анықталды. Күніне орта есеппен 200-ге жуық жол жүру ережесін бұзғандар тіркеледі», – дейді әкімшілік полиция басқармасының бастығы Жандос Мұратәлиев.
Оның айтуынша, қалада 400 «Сергек» камерасы бар. Оның 300-і жоғары жылдамдықты, қалған 100-і сызықтық режімде жұмыс істейді. «Яғни, бұзушылықтардың басым бөлігі жоғары жылдамдық режімінде тіркеледі», – деп қосты ол. 2020 жылдың 1 қаңтарынан бастап Алматы қаласында 400 жаңа камера іске қосылған еді.