«Самұрық-Қазына» басшысы үш жылда 800 млн теңгеден астам табыс тапқан
«Самұрық-Қазына» АҚ басқарма төрағасы Нұрлан Жақыпов 2022–2024 жылдар аралығындағы табысы туралы декларация мәліметін жариялады.
Астана, NEGE. Ақпаратқа сүйенсек, қор басшысы үш жыл ішінде 805 984 963 теңге табыс тапқан.
Соның ішінде:
2022 жылы – 422 182 000 теңге;
2023 жылы – 186 543 551 теңге;
2024 жылы – 197 259 412 теңге.
Қордың даму және жекешелендіру жөніндегі басқарушы директоры Салтанат Сәтжан 2024 жылы 8 273 745 теңге декларациялаған.
Айта кетейік, бұған дейін бірқатар министрліктер лауазымды тұлғалардың декларацияланған табысы туралы мәлімет жариялады. Премьер-министрдің орынбасары – ұлттық экономика министрі Серік Жұманғариннің жұбайы Сәния Садықова 2024 жылы 88 млн теңгеден астам табыс тапқаны мәлім болды.
Алматының экс-әкімі Ерболат Досаев декларацияда 14 млн теңге табыс тапқанын көрсеткен. Ал оның жұбайы Гүлнар Досаева 2,3 млрд теңге кіріс алғанын мәлімдеген.