Президенттер портреті. Жапаров. «Бүлікшіден» Президентке дейін
Қырғыз Президенті Садыр Жапаров «қатал әрі турашыл басшы» ретінде соңғы кездері ел назарына жиі ілігіп жүр. Өйткені, шалыс басқан туыстарын аяп жатқан жоқ. Дереу абақтығы тоғытып жатыр. Жақында немере інісі Ұлан Жапаровқа «алаяқ» деген айып тағылып, қамауға алынды. Ол бұған дейін де кедендегі жемқорлық схемасы үшін жазасын алып, үй қамақта отырып шыққан-ды. Болашақ күйеубаласы Афтандил Сабырбеков те қазір түрмеде. Одан ірі көлемде есірткі табылды. Қырғыз заңы бойынша, ол 12-15 жылға дейін бас бостандығынан айырылуы ықтимал.