Павлодарда адамды қағып, оқиға орнынан қашып кеткен жүргізушіні іздестіріп жатыр

Алматы, NEGE. Павлодарда жаяу жүргіншілер жолында әйел адамды қағып, оқиға орнынан қашып кеткен көлік жүргізушісін іздестіріп жатыр,-деп хабарлайды Aikyn.kz тілшісі.

Әлеуметтік желіде оқиға орнында түсірілген видео жарияланды. Видео авторы әжесінің көлік апатына ұшырағанын мәлімдейді."28 тамыз күні сағат 12:55-те Баян батыр көшесінде әжемді жаяу жүргіншілер өткелінде қағып, жүргізуші оқиға орнынан қашып кетті",-дейді видео авторы.

Қалалық полиция департаменті әйелдің полицияға хабарласпағанын айтып, бірақ жол апаты фактісі тіркелгенін растады."Полиция жүргізушінің жеке басын анықтау шараларын жүргізіп жатыр",-деп хабарлады полиция департаменті.