Өнер Сейілхан бокстан Әлем чемпионы атанды
Черногорияның Будва қаласында өтіп жатқан бокстан жастар арасындағы әлем чемпионатында қазақ боксшысы Өнер Сейілхан алтын медаль жеңіп алды.
Алматы, NEGE. Бокстан Будва (Черногория) қаласында өтіп жатқан жастар арасындағы Әлем чемпионатында 71 келідегі Өнер Сейілхан финалдық айқаста Алексей Гуковтан (Ресей) 5:0 есебімен басым түсті.
Біріншілік барысында Өнер Беларусь (5:0), Пәкістан (5:0), Албания (5:0) және Өзбекстан (4:1) боксшыларынан басым түсті.