10 февраля 2026 г. 16:26
Қырғызстанда Қазақстан азаматы ұсталды
Синтетикалық есірткімен ұсталған күдікті 15 жылға бас бостандығынан айырылуы мүмкін.
Астана, NEGE. Бұл жөнінде Қырғызстанның ұлттық қауіпсіздік мемлекеттік комитеті хабарлады.
ҰҚМК Қырғыз Республикасы Қылмыстық кодексінің 282-бабының 3-бөлігімен көзделген қылмыс белгілері бойынша сотқа дейінгі тергеп-тексеру аясында Қырғызстан аумағына синтетикалық есірткі заттарын жеткізу арнасының жолын кесті.
2026 жылғы 8 ақпанда жүргізілген тергеу және жедел-іздестіру іс-шараларының нәтижесінде Қазақстан Республикасының азаматы жалпы салмағы 5 кг болатын "Альфа-PVP" синтетикалық есірткісімен ұсталды.
Қазақстан азаматы Қырғыз Республикасы ҰҚМК-ның тергеу изоляторына қамалды. Сондай-ақ, ведомство өкілдері есірткі арнасының ұйымдастырушыларын анықтауға бағытталған қосымша тергеу іс-шаралары жүргізіліп жатқанын атап өтті.
