«Қазмырыш» зауыты аумағындағы өрт толығымен сөндірілді
Төтенше жағдайлар министрлігі Өскемендегі «Қазмырыш» зауыты аумағындағы өрт толығымен сөндірілгенін хабарлады.
Астана, NEGE. Қазақстан ТЖМ Стратегиялық жоспарлау орталығының базасында жедел штаб құрылды.
Сағат 10:46-дағы жағдай бойынша, зауыт аумағында құрылымдарды бөлшектеу және зардап шеккендерді іздеу жұмыстары жүргізіліп жатыр.
Еске салсақ, бүгін, 5 мамыр күні Өскеменде зауыт аумағында жарылыс болды. Төтенше жағдайлар министрлігінің мәлімдеуінше, зауыт аумағында шаң ұстау құрылғысында газ-ауа қоспасының жарылысы болып, оның соңы өрт пен нысанның ішінара опырылуына ұласқан.
Шығыс Қазақстан облысының әкімі де, Төтенше жағдайлар министрлігі де жарылыс «Қазмырыш» зауыты аумағында болғанын растады. Әзірге ресми дерек бойынша, тоғыз адам зардап шеккен.