8 июня 2025 г. 18:48
Қазақстанда темекі өнімдерінің ең төменгі бағасы өзгереді
ҚР Қаржы министрлігі темекі өнімдеріне арналған ең төменгі бөлшек сауда бағаларын қайта қарауды ұсынды. Жоба «Ашық НҚА» порталында жарияланды.
АЛМАТЫ, NEGE. Бастама барлық түрдегі темекіге – сүзгісі бар және сүзгісіз сигареттерге, папирос, сигарилла және қыздырылатын темекі өнімдеріне қатысты.
Құжатта көрсетілгендей, бұл өзгеріс темекі өнімдеріне қатысты салықтық және баға саясатын оңтайландыруға бағытталған. Сондай-ақ, бұл шара халық денсаулығын жақсарту және темекі тұтыну деңгейін төмендету мақсатында ұсынылып отыр.
Қоғамдық талқылау 2025 жылғы 19 маусымға дейін жалғасады.
