21 апреля 2025 г. 13:51
Кәрім Мәсімовтің аукционға қойылған зәулім үйінің құны арзандады
Бұған дейін екі рет сатылымға шығарылған зәулім сарай 1,8 миллиард теңгеге өтпей қалған еді.
Алматы, NEGE. Зәулім үйді сатып алушылар табылмаған. Нәтижесінде бастапқы баға 1,6 миллиард теңгеге дейін төмендетілді.
Алғашқы жарнасы 117,9 млн теңге. Өтініштерді қабылдау 13 мамыр күні сағат 9:00–ге дейін жүргізіледі. Сол күні сағат 11:00–де сауда-саттық өтеді.
Жақында әлеуметтік желіде бұл үйді кәсіпкер Мұхтар Жәкішев сатып алғысы келеді деген ақпарат тараған болатын. Алайда ол бұл мәліметті жоққа шығарды. Біріншіден, мұндай ақшасы жоқ екенін, екіншіден, Алматыда тұратындықтан Астанадағы зәулім сарайдың өзіне қажет емес екенін айтты.
