25 қыркүйек Қазақстанда жалпыұлттық аза тұту күні болып жарияланды

Астана, NEGE. Бұл шешім Маңғыстау облысында қызметтік міндетін атқару кезінде әскери қызметшілердің қаза болуына байланысты қабылданды.

24 қыркүйекте Каспий теңізінің жағалауында Әскери-теңіз күштерінің оқу-жаттығуы кезінде ауа райы күрт нашарлап, 19 әскери қызметшіні теңізге алып кеткен. Қорғаныс министрлігінің мәліметінше, тоғыз әскери қызметші қаза тауып, үшеуі құтқарылды. Қалғандарын іздеу жұмыстары жалғасып жатыр.