Қанша рейс тоқтатылды?

 Біз Нұрсұлтан Назарбаев халықаралық әуежайы баспасөз қызметінің өкілі Жеңіс Ахметжановқа хабарласып, мән-жайды білдік. 

Нұр-Сұлтан, NEGE. Нұрсұлтан Назарбаев халықаралық әуежайы баспасөз қызметінің өкілі Жеңіс Ахметжановқа хабарласып, мән-жайды білдік. Оның мәліметінше, әуе кемесінің басқа қалалардан кеш келуі және баратын әуежайдағы нашар метеожағдайлар себебінен ұшып келуі тиіс 22 рейс кешігуде.

- «Air Astana» авиакомпаниясының 9 рейсі (оның ішінде Омбы, Тәшкент, Мәскеу және Киев қалаларынан халықаралық рейстері);

- «SCAT» авиакомпаниясының 8 рейсі (Ұлан-Батыр, Мәскеу, Прага);

- «Qazaq Air» авиакомпаниясының Алматы және Қостанай қалаларынан 2 рейсі;

- «Fly Arystan» авиакомпаниясының Павлодар, Алматы және Қостанай қалаларынан 3 рейсі;

Әуе кемесінің басқа қалалардан кеш келуі және ұшып шығатын әуежайдағы ауа райының нашарлауы себебінен ұшып шығуы тиіс 16 рейс кешігуде  (желдің екпіні секундына 20 м жетеді):

- «Air Astana» авиакомпаниясының 6 рейсі (оның ішінде Тәшкент және Киев қалаларына халықаралық рейстер);

- «SCAT» с 8 рейсі (оның ішінде Прага және Мәскеу қалаларына халықаралық рейстер);

- «Qazaq Air» және «Fly Arystan» авиакомпанияларының 4 рейсі;

«Lufthansa» а/к Франкфурт қаласына, «LOT Polish» а/к Варшаваға, «Turkish Airlines» а/к Ыстамбұлға ұшатын және «Qazaq Air», «Air Astana», «SCAT» авиакомпанияларының 11 рейсі тоқтатылды.

Желдің қатты екпініне (секундына 15 м және одан жоғары) байланысты, ұшу қауіпсіздігі мақсатында әуе кемелерін мұздануға қарсы сұйықтықпен өңдеуге жол берілмейді.

Нұрсұлтан Назарбаев халықаралық әуежайы штаттық режимде жұмыс істейді.