Боксшы Аида Әбікеева Олимпиада чемпионын жеңіп, әлем біріншілігінің 1/2 финалына өтті
Қазақстандық Аида Әбікеева бокстан Ливерпульдегі әлем чемпионатының жартылай финалына өтті.
Алматы, NEGE. Бұрымды боксшымыз 65 келіге дейінгі салмақта ел намысын қорғап жатыр.
Аида ширек финалда 2020 жылғы Олимпиада чемпионы түркиялық Бусеназ Сюрменелимен кездесті.
Отандасымыз алғашқы раундтан-ақ қарсыласын тығырыққа тіреді. Нәтижесінде төрешілердің шешімі бойынша 5:0 есебімен жеңіске жетті.
Осылайша, Аида Әбікеева (65 келіге дейін) кем дегенде әлем чемпионатының қола медаль иегері атанды.