Биыл Алматы автобустарында қарттарға орын беруге шақыратын дыбыстық хабарландыру іске қосылады
Бұл туралы Бостандық ауданының тұрғындарымен кездесу барысында мегаполис әкімі Ерболат Досаев хабарлады.
Алматы, NEGE. – Осы бағыттағы жұмыс қазірдің өзінде жүргізілуде және 2024 жылдың 1 шілдесінен бастап қоғамдық көлікте аялдамалардың атауымен және қарттарға, жүкті әйелдерге, балалары бар жолаушыларға орын беруге, сондай-ақ бір-біріне құрмет көрсетуге шақыратын дыбыстық хабарлау жүйесін енгізу жоспарлануда, – деді Ерболат Досаев.