1 марта 2025 г. 15:15
Bazis-A және BI Group кірістерін 16,5 миллиард теңгеге кем етіп көрсетті — Қаржы министрлігі
Қаржы министрлігі Bazis-A және BI Group құрылыс компанияларынан анықталған құқықбұзушылықтар туралы хабарлама таратты.
Алматы, NEGE. Министрлік Bazis-A және BI Group-тың кірістерін азайтып көрсеткенін анықтады.
Ведомствоның мәліметінше, 2022–2023 жылдар аралығында Bazis-A кірісін 4,6 миллиард теңгеге, ал BI Group 11,9 миллиард теңгеге кем көрсеткен.
Қаржы министрлігі компаниялар салық жүктемесін азайту үшін арнайы салық режимдерін қолданғанын атап өтті.
Премьер-министр Олжас Бектенов қазақстандық ірі компанияларды салықты адал төлеуге шақырып, жағдайды түзетуге екі апта уақыт берді.
