«Ауруханаға жатып қалдым» – Тұрсынбек Қабатовтың алдағы концерттері 2025 жылға шегерілді
Тұрсынбек Қабатов денсаулығына байланысты ауруханаға түсіп қалғанын әлеуметтік желідегі парақшасында мәлімдеді.
Алматы, NEGE. Мәлімдемесінде 45 жылдығына орай жоспарланған концерттер 2025 жылға шегерілгені айтылған.
«Денсаулығыма байланысты ауруханаға жатып қалдым. Сол себепті 45 жас деп жоспарлаған концерттерімді 2025 жылға ауысқанын хабарлаймын.
Өздеріңізді көруге асықпын», - деп жазды Қабатов.
Ол өзінің не себепті ауруханада жатқанын ашып айтпады. Десе де, бұған дейін әзілкештің басынан ауыр жарақат алып, ауруханаға түскенін алғашқылардың бірі болып жазғанбыз.
Оқырмандарымыздың бізге жіберген мәліметінше, басынан ауыр жарақат алған әзілкешке Алматы қаласындағы №7 клиникалық ауруханада шұғыл ота жасалған.