Алматыда көп әйел алуды дәріптеген азамат жазаланды
Алматы полициясы әлеуметтік желіде көп әйел алуды насихаттаған азаматты анықтады.
Астана, NEGE. Полицияның мәліметінше, ер адам заң талаптары мен қоғамдағы моральдық құндылықтарға қайшы өмір салтын ашық дәріптеген жазбалар жариялаған.
Оған Әкімшілік құқық бұзушылық туралы кодекстің 456-2-бабының 3-1-бөлігі бойынша хаттама толтырылды. Бұл бапта құқыққа қайшы контентті жариялағаны үшін 20 АЕК көлемінде жауапкершілік қарастырылған.
Полициямен әңгімелескеннен кейін азамат әлеуметтік желідегі жазбаларын өз еркімен өшірген.
Тақырыпқа орай: Тоқалдықты НЕГЕ заңдастырудың қажеті жоқ?