Әлиев Тоқаевтың Нахчыванға жасалған шабуылға қатысты ұстанымы үшін алғыс айтты
Әзірбайжан Президенті Ильхам Әлиев Нахчыван әуежайына жасалған соққыны айыптағаны үшін Қазақстан Президенті Қасым-Жомарт Тоқаевқа алғыс айтты.
Астана, NEGE. Бұл туралы Ильхам Әлиев X әлеуметтік желісіндегі парақшасында жазды.
«Иран жасаған шабуылдарды айыптағаны және Әзербайжан мен Қазақстан арасындағы бауырластық әрі одақтастық қатынастар рухында елімізге қолдау білдіргені үшін Президент Қасым-Жомарт Тоқаевқа алғысымды білдіремін», – делінген жазбада.
Бұған дейін Ильхам Әлиев Ираннан дипломатиялық құрамды толық шығару туралы шешім қабылдады. Ел президентінің мұндай шешім қабылдауына Ираннан ұшырылған дрондардың Нахчыван аумағына құлауы себеп болып отыр: бір дрон әуежай аумағына, екіншісі мектептің маңына түсті.
Баку болған оқиғаны шабуыл ретінде бағалады. Әзірбайжанның Сыртқы істер министрлігі Иран елшісін шақырып, ресми түсініктеме талап етті.
Қазақстан президенті Қасым-Жомарт Тоқаев бұл оқиғаны қатаң айыптап, жағдайды дипломатиялық жолмен реттеуге шақырды.