6 адам зардап шекті: Алматыда автобус пен тепловоз соқтығысты
Алматының Алмалы ауданында жолаушылар автобусы тепловозмен соқтығысып, апат салдарынан 6 жолаушы зардап шекті.
Алматы, NEGE. Оқиға бүгін сағат 11:40-та болды.
Полиция мәліметінше, жеке тасымалдаушыға тиесілі №88 бағыттағы автобус Әуезов көшесімен солтүстік бағытта Гоголь көшесінің солтүстігінде темір жол бойымен келе жатқан тепловозға соқтығысқан.
Оқиға салдарынан автобустың алты жолаушысы зардап шекті. Оларға медициналық көмек көрсетілді.
Оқиғаның басқа мән-жайлары анықталып жатыр.