2026 жылдың соңына дейін су ресурстарының бірыңғай цифрлық платформасы құрылады
Президенттің 2025 жылғы Жолдауын жүзеге асыру шаралары қаралған Үкімет отырысында Премьер-министр Олжас Бектенов Мемлекет басшысының биылғы Жолдауында берген тапсырмалары аясында су шаруашылығы саласын дамыту бойынша бірқатар тапсырма берді.
Астана, NEGE. Атап айтқанда:
– Су ресурстары министрлігі 2026 жылдың соңына дейін ұлттық су балансын қалыптастыруға және реттеуге мүмкіндік беретін су ресурстарының бірыңғай цифрлық платформасын құру жұмысын аяқтау.
– Су ресурстарын пайдалану тиімділігін арттыру мақсатында заманауи технологиялар трансфертін жолға қою.
– Ішкі істер министрлігімен бірлесіп, рейдтік іс-шаралармен және суды есепке алу жүйелерін орнатумен шектелмей, судың «қара нарығын» жою жөнінде пәрменді шаралар қабылдау тапсырылды.
– Барлық мүдделі мемлекеттік органдар халық арасында суды үнемдеу мәдениетін енгізу жөніндегі ақпараттық-түсіндіру жұмыстарын күшейтуі қажет.
– Су ресурстары министрлігі осы жылдың соңына дейін Арал теңізінің солтүстік бөлігін қалпына келтіру жобасы бойынша мемлекеттік сараптаманың қорытындысын алып, оны тез арада іске асыруға кіріссін.
– Экология министрлігі Каспий маңы елдерінің серіктес ғылыми ұйымдарымен бірлесіп, Каспий теңізіНің су ресурстарын сақтау жөніндегі мемлекетаралық бағдарламаны әзірлеуге кіріссін.
– Көршілерімізбен өзара іс-қимылды жандандырып, бұл жұмысты сапалы жүргізу керек.