Қазақстандық боксшылар WBA рейтингінде қандай орындарда?
Дүниежүзілік бокс қауымдастығы (WBA) барлық салмақ санаты бойынша жаңартылған рейтингін жариялады.
Алматы, NEGE. Екінші аса жеңіл салмақ категориясында Евгений Павлов (3-0, 2 КО) 11-орыннан 10-ға көтерілді.
Германия атынан өнер көрсететін Қазақстан тумасы, орта салмақтағы Анатолий Мұратов (22-2-1, 15 КО) 10-позициядан 8-ге жоғарылады.
Супер ауыр салмақтағы Жан Кособуцкий (15-0, 14 КО) 14-інші сатыдан 15-ке түсіп қалды.
Еске салайық, Ж.Кособуцкий соңғы жекпе-жегінде титул үшін айқасты. Ол биылғы ақпан айында нигериялық боксшы Онориод Эхвариемді (18-2, 17 КО) төртінші раундта нокаутқа түсіріп, WBA International белдігін жеңіп алды.
