Жол үстіндегі мұздың биіктігі 6 метрге жеткен

Алматы-Екатеринбург республикалық тас жолының жарты километрге жуық бөлігін мұз басып қалды.

Алматы, NEGE. Көлден пайда болған мұз қатты желдің әсерінен тас жолға қарай жылжып, көлік қозғалысына кедергі келтірген. Бұл жайлы Tengrinews.kz сайты хабарлады. 

Сайт редакциясына жергілікті тұрғындар оқиға орнынан видео жіберген. 

«ҚазАвтоЖол» АҚ Қостанай филиалы директорының орынбасары Хамзат Сұлтанов аталған жайттан хабардар екенін жеткізді. Мұздың биіктігі 5-6 метр шамасында болған. «ҚазАвтоЖол» қызметкерлері жолды тазалаған. 

Мамандардың айтуынша, желдің жылдамдығы 35-40 м/с жеткен.