14 Шілде 20:07
Жаңаарқаның тұрғындары қымыз жинап жатыр
Қарағанды облысы Жаңаарқа ауданының тұрғындары қымыз бен саумал жинап, бұл өнімдерді өңірдің медициналық мекемелеріне жіберуде.
Алматы, NEGE. Бұл сусындар иммунитетті сақтау үшін аса пайдалы.
Жаңаарқалықтар облыс стационарларының емделушілері мен медициналық қызметкерлері үшін қымыз мен саумал жинау бойынша арнайы науқан ұйымдастырды. Осылайша, еріктілер бірнеше қайырымдылық іс-шараларын өткізді. «Біз біргеміз» акциясы аясында бес ауылдық округте 1 600 литр саумал мен 1 700 литр қымыз жиналды. Сүт сусындары аудан ауруханаларына, сондай-ақ Қарағанды және Жезқазған медициналық мекемелеріне жеткізілді.
